الرئيسية » فضيحة العدد » فضيحة محرزية العبيدي في المجلس الوطني التأسيسي بالوثائق

فضيحة محرزية العبيدي في المجلس الوطني التأسيسي بالوثائق

المصدر أسفل المقال -قبل ما نحكي وندخل في صلب الموضوع اللي نعتبرو خطير ويمس من العقد الأخلاقي بين المواطن وبعض من يمثله في التأسيسي، فإني باش نحكيلكم حكاية صغيرة

تتذكروا القصة في التسعينات بين رئيس أمريكا كلينتون ومونيكا لوينسكى واللي كانت بيناتهم علاقة والحكاية عملت ضجّة كبيرة.

جماعة من الكونغرس قدموا بيه قضيّة وطالبوا باش يتنحّى عن رئاسة الدولة وتمّ تحويل القضيّة إلى المحكمة العليا وفق الدستور الأمريكي، لكن كلينتون منع منها بالسيف على خاطر ما جابوش ضدو أغلبيّة الثلثين.

هوما ما حاكمهوش على خاطر عندو علاقة أمّا على خاطر كذب وقال ما عنديش علاقة، واعتبرو إنو إذا هو ممثّل الشعب ويكذب عليه ممكن يكذب في حاجات أخرى، وخاصة أنّه أقسم قبل تولّي المنصب، وبالتالي سقطت منه الثقة

 

ندخلوا في الموضوع

 

يوم 11 ماي خرجت تسريبات من المجلس التأسيسي وفيها اللي نائبة مصطفى بن جعفر السيدة محرزية العبيدي تخلص حوالي 14 مليون شهريّا وبالعملة الصعبة، كيما تراو في هذه الوثيقة

 

 

وبالطبيعة الناس “تفجعت” من هذا الرقم الخيالي، واللي يستنكر واللي متغشّش واللي يقول ياخي بالحق عملنا ثورة، واللي يكذّب ويقول موش معقول والسيدة محرزية العبيدي ما تعملش هكّة وخاصة كي تعرف اللي في تونس ثمّة آلاف التوانسة يعيشو كيما اللي في التصويرة هذي

 

 

لكن السيدة محرزية العبيدي كذّبت الخبر، وقال موش صحيح وهي إشاعات مغرضة ضدّي وراني نخلص كيف غيري وبالعملة التونسية، بل أنّ الشاب الذي نشر هذه الوثيقة اعتذر لي! إي نعم هكّة قالت، كيما تراو في حوار معها على شمس أف أم في الصورة هذي

 

 

وكيما تلاحظوا قالت سأنشر وثيقة خلاصي، ونورّي اللي هذا الكلو كذب، أيّا تعدّاو أيّامات، حوالي أسبوعين، وفعلا قامت السيدة بنشر وثيقة خلاصها على الفايسبوك، كيما هذه الصورة

 

 

وفي وثيقة الخلاص الرسمية هذي وعليها كاشي المجلس الوطني التاسيسي فيها اللي هي تخلص زوز ملاين واش، كيما تراو، وهبطتها في صفحتها  وتناقلوها الناس الكل وخاصة الصفحات النهضويّة، وبالتالي ورغم شكوك البعض فإنّو الحكاية بردت

 

لـــــــــــكـــــــــــن

يوم الجمعة 3 أوت أي منذ أيام هبطت في الرائد الرسمي عدد 61 قرارات من رئيس المجلس الوطني التاسيسي، وهذه صورة منه

 

 

 

وكيما قريتو وحدكم السيدة محرزية العبيدي تخلص حوالي 15 مليون شهريّا، وبكلّ حزم، ومن وقتاش؟

من شهر نوفمبر2011

 

السيدة العبيدي موش كذبت وهي تحت القسم بركة وإنما نشرت وثائق مزورة، إي نعم مزورة لأنو وثيقة الخلاص اللي نشرتها موش صحيحة

نائب رئيس التاسيسي اللي يكتب في دستور لتونس، النائب هذا ينشر وثيقة مزورة، هل تشعرون بخطورة اللي نحكيلكم فيه؟ والنائب هذا كذب على الشعب، وأصرّ على كذبه

يعني ملخّر: تعدّي أخلاقي وتعدّي قانوني، أكثرشي من هكّة؟

 

قيل قديما: تستطيع أن تخدع بعض الناس كلّ الوقت، وأن تخدع كلّ الناس بعض الوقت، ولكن لا تستطيع أن تخدع كل الناس كل الوقت

المصدر https://www.facebook.com/notes/%D8%A7%D9%84%D8%B9%D9%82%D9%84-%D8%A7%D9%84%D8%AD%D8%B1-lesprit-libre/%D9%81%D8%B6%D9%8A%D8%AD%D8%A9-%D9%81%D9%8A-%D8%A7%D9%84%D9%85%D8%AC%D9%84%D8%B3-%D8%A7%D9%84%D9%88%D8%B7%D9%86%D9%8A-%D8%A7%D9%84%D8%AA%D8%A3%D8%B3%D9%8A%D8%B3%D9%8A/403693136345563

شكرا على الانتباه

عن التقدمية

2 تعليقات

  1. بعد التحية والواجب والاحترام أشكركم شكرا جزيلا

  2. si riadh svp plus d’info sur le gaz de schist et ses dangers

اضف رد

لن يتم نشر البريد الإلكتروني . الحقول المطلوبة مشار لها بـ *

*


*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>